Калектыўная выстава мастакоў “На Каляды” сабрала ў гродзенскай выставачнай зале работы шматлікіх творцаў Гродзеншчыны.
Розныя па сваіх эстэтычных канцэпцыях, творчых метадах, тэхніках
выканання, яны аб’яднаны адзінымі выяўленчымі святочнымі акордамі і скіраваны на сцвярджэнне прыгажосці і каштоўнасці існавання чалавека ў навакольным свеце.
Як вядома, народнае свята Калядаў лагічна звязана з Нараджэннем
Хрыстовым, таму экспазіцыя ўтрымлівае і сакральныя сюжэты,
мастакоўскія выяўленчыя і гістарычныя рэмінісцэнцыі, іканапісныя выявы, якія апелююць да сімволікі і значнасці гэтай хрысціянскай падзеі.
Незвычайнай магіяй цыклу зімовых свят, філасофскімі матывамі асэнсавання прыгажосці і шматграннасці жыцця прасякнута прастора выставачнай залы, дзе кожны зможа ўзбагаціцца духоўна.
Запрашаем на адкрыццё выставы - 19 снежня (аўторак) 17:30
Уваход на адкрыццё (з 17:00 да 20:00) - вольны.
Выстава працуе з 19 снежня па 14 студзеня
Штодня з 9:00 да 20:00
Кошт білетаў:
Дарослыя - 3,00 р.
Студэнты, навучэнцы - 2,50 р.
Школьнікі - 1,50 р.
Дзеці да 7 гадоў, інваліды першай і другой групы, удзельнікі ВАВ - бясплатна.
Тэлефоны для даведак:
+375 29 549-79-05
+375 152 62-29-82
